Xabi Alonso þjálfari Bayer Leverkusen er líklegastur til þess að taka við Liverpool af Jurgen Klopp samkvæmt veðbönkum. Tíðindin um Klopp komu mörgum á óvart.

Alonso er fyrrum miðjumaður Liverpool en á stuðningsmönnum Liverpool má heyra að þeir vilja fá Alonso til starfa.

Alonso er með Leverkusen á toppnum og ræðir málið. „Sögusagnir eru bara eðlilegar, einbeitingin mín er hjá Bayer Leverkusen,“ sagði Alonso.

„Ég er mjög ánægður þessa stundina með þá leikmenn sem ég er með hérna.“

„Þetta er mjög óvænt með Liverpool, Jurgen hefur unnið magnað starf. Ég ber mikla virðingu fyrir honum og lít upp til hans.“

Fréttamenn gengu þá á Alonso og spurðu hvort hann gæti útilokað það að taka við Liverpool í sumar.

„Ég er ekki með neitt eitt rétt svar, ég er ánægður hérna og hugsa bara um Leverkusen.“