Jurgen Klopp stjóri Liveprool íhugar að þjálfa ekki aftur þegar hann hættir með Liverpool í sumar.

Það kom mörgum á óvart þegar Klopp greindi frá því í morgun að hann væri að hætta sem þjálfari Liverpool í sumar.

Klopp hefur einu sinni orðið enskur meistari og unnið Meistaradeildina einu sinni. Hann getur bætt titlum í safnið áður en hann hættir.

Klopp tók við þjálfun Liverpool árið 2015 þegar liðið hafði átt í talsverðum vandræðum um langt skeið. Óvíst er hvert næsta skref Klopp á ferlinum er en ljóst má vera að mörg stórveldi horfa til hans.

Stuðningsmenn Liverpool elska Klopp líkt og stuðningsmenn Manchester United elskuðu Sir Alex Ferguson.

Ferguson vann ensku deildina þrettán sinnum en honum tókst hins vegar aldrei að sækja meira en 91 stig í deildinni. Klopp hefur keppt við Manchester City og það hefur reynst á köflum erfitt.

Klopp náði meira að segja í 97 stig í eitt skiptið án þess að vinna deildina og 92 stig dugðu ekki heldur en með 99 stigum vann Klopp deildina árið 2020.

Liverpool er á toppnum í deildinni núna og gæti Klopp farið frá Anfield með tvo í töskunni.