Heimildarþættir um Pep Guardiola hjá BBC hafa vakið athygli en þar er farið yfir ferilinn hjá þessum magnaða þjálfara sem hefur náð ótrúlegum árangri.

Guardiola er í dag stjóri Manchester City og hefur raðað inn titlum fyri blá liða frá Manchester. Rætt er við leikmenn sem spilað hafa undir stjórn Guardiola hjá City og einn þeirra er Eiður Smári Guðjohnsen sem lék undir stjórn Pep hjá Barcelona.

Undir stjórn Pep varð Eiður meðal annars spænskur meistari og vann Meistaradeild Evrópu.

Eiður Smári ræddi um leikinn gegn Chelsea, hans gamla félagi árið 2009 þegar Barcelona fór áfram úr undanúrslitum árið 2009.

„Þetta er einn umdeildasti leikur sögunnar, ef þú skoðar ákvarðanir dómarans yfir 90 mínúturnar. Það varð allt brjálað,“ segir Eiður Smári.

„Ég tók í hendina á gömlum liðsfélögum og svo labbaði ég bara inn í klefa eftir leikin. Ég útskýrði fyrir Guardiola að ég gæti ekki fagnað, þetta var of tilfinningaþrungið fyrir mig.“

„Eina sem Pep sagði við mig var að ég ætti að fagna með þeim inn í klefa, ég sagðist geta gert það.“

Eiður Smári er goðsögn í sögu Chelsea og var í herbúðum félagsins þegar það reis upp og varð eitt stærsta félag Englands.

Atvik leiksins má sjá hérna.