Manchester United hefur losað sig við tvo leikmenn í upphafi janúar og segja ensk blöð að mögulega fari fimm í viðbót frá félaginu.

Þannig var Donny van de Beek lánaður til Frankfurt í Þýskalandi og United rifti samningi við Tottenham vegna Sergio Reguilon sem var á láni.

Nú segja ensku blöðin að fimm í viðbót gætu farið, þannig færist Jadon Sancho nær því að fara til Borussia Dortmund.

Casemiro og Raphael Varane eru báðir leikmenn sem hafa verið til umræðu og sagt að United sé til í að losa þá.

Bæði Real Madrid og FC Bayern hafa bæði skoðað það að taka Varane í janúar.

Anthony Martial verður samningslaus í sumar og fær ekki nýjan samning, ef félag vill kaupa hann þá er hann til sölu í janúar.

Þá segir einnig að United sé til í að reyna að losna við Sofyan Amrabat sem er á láni frá Fiorentina en hefur ekki staðið sig vel.