Lögreglan á höfuðborgarsvæðinu rannsakar enn árásina þar sem tveir menn réðust inn í íbúðarhús á aðfangadag og hleyptu af skotum. Einn var handtekinn vegna árásarinnar en var sleppt skömmu síðar.
Þetta kemur fram í tilkynningu lögreglunnar núna í hádeginu.
Að sögn lögreglu verða frekari upplýsingar um málið ekki veittar að svo stöddu.
Árásin átti sér stað í húsi við götuna Álfholt í Hafnarfirði. Leitað er að tveimur byssumönnum en hugsanlegt er að fleiri tengist árásinni. Ekki er vitað hvað mönnunum gekk til.
