Tveir menn ruddust inn í íbúð við Álfholt í Hafnarfirði á aðfangadagskvöld og hleyptu af skotum. Heimilisfólk var á vettvangi en blessunarlega slaðaðist enginn samkvæmt tilkynningu frá lögreglu. Vopnaðir sérsveitarmenn voru kallaðir til og var viðbúnaðir mikill.

Segir að málið sé í rannsókn en ekki er tekið fram hvort einhverjir hafi verið handteknir vegna málsins né hvort einhverrja sé leitað vegna málsins.

Nútíminn greindi fyrst frá málinu í gærkvöldi og hafði tal að vitni. „Þetta byrjaði rétt eftir ellefu í kvöld. Þá fóru sérsveitarmenn með hríðskotabyssur að ganga á milli húsa hérna. Við vissum ekki hvað væri að gerast en fengum svo þær upplýsingar núna rétt áðan að þarna hafi skotárás átt sér stað. Okkur var ráðlagt að halda kyrru fyrir inni í íbúðinni okkar,“ sagði íbúi í götunni.