Fyrrum landsliðsmaðurinn og nú landsliðsþjálfarinn Snorri Steinn Guðjónsson var gestur í nýjasta þætti Íþróttavikunnar. Helgi Fannar Sigurðsson og Hrafnkell Freyr Ágústsson hafa umsjón með þættinum.

Nú styttist í næsta stórmót hjá Strákunum okkar en HM í Þýskalandi er í janúar. Snorri var spurður út í lykilmanninn Aron Pálmarsson sem er mættur heim í FH og hans hlutverk.

„Það er mjög auðvelt að rýna í einhverja tölfræði og sjá að við þurfum að nota hann rétt, passa upp á hann. Hann meiðslasaga er bara þannig að það virkar ekki að ganga frá honum á fyrstu metrunum,“ sagði hann og hélt áfram.

„En hvað hann er góður í handbolta hefur ekki breyst. Hann hefur mikið fram að færa til liðsins, er fyrirliði og algjör lykilmaður í þessu liði. Svo er það mitt og teymisins að finna út úr þessu. Það pirrar eflaust engan meira en hann sjálfan að hafa ekki komist í gegnum síðustu stórmót.

Við erum á sömu blaðsíðu en það breytist samt ekkert með þessa gaura sem hafa náð svona langt að þeir vilja bara vera inni á og spila. Það er bara í eðli þessara manna.“

Umræðan í heild er í spilaranum.