Hver kannast ekki við að hamast á bílrúðunum og skafa og skafa frostið af þeim? Með stóru rúðusköfunni, litlu rúðusköfunni, kreditkortinu sem þú ert löngu búinn að maxa og má alveg við því að brotna í ræmur. Á endanum gefst maður upp og sumir keyra af stað með hálfskafnar rúður og biðja til æðri máttarvalda að lögreglan sé á stöðinni í kaffipásu frekar en á næsta horni.
Örvæntið ekki! Ung móðir að nafni Chloe er komin með sannkallað bjargráð sem hún segir hafa breytt lífi sínu og vetrarmorgnum og lofar að sama muni gerast hjá okkur hinum.
Myndband Chloe þar sem hún skefur frostið af framrúðu bílsins hefur rakað inn yfir tíu milljón áhorfum á TikTok. Chloe byrjar á því að fylla innkaupapoka af vatni. „Þetta er mjög fljótlegt og auðvelt, eina sem þú þarft að gera er að setja volgt vatn úr krananum beint í plastpoka.“ Síðan dregur hún pokann upp og niður framrúðuna á bílnum sínum. Frostið hverfur af rúðunni mjög auðveldlega og engin þörf á að skafa.
@chloemart15 Super quick & easy for mornings on the go! #lifehacks #carhacks #winter #windscreenhack #defrosthack #fyp ♬ original sound – C H L O E 🌸
„Þetta tekur bókstaflega fimm sekúndur. Ég get ekki lifað án þessa ráðs, prófið þetta, þið sjáið ekki eftir því.“ Chloe bendir fólki á að fara varlega og nota volgt vatn til að forðast að skemma bílrúðurnar.
