Margir voru hissa þegar Kai Havertz nefndi besta framherjann sem hann hefur spilað með á sínum ferli.

Havertz hefur leikið með ófáum sóknarmönnum á ferlinum en nefna má Romelu Lukaku, Timo Werner, Thomas Muller og Olivier Giroud.

Gabriel Jesus varð þó fyrir valinu en hann er nýr samherji Havertz og leika þeir saman hjá Arsenal í dag.

Havertz var áður á mála hjá Chelsea og er einnig hluti af þýska landsliðinu.

,,Ég verð að segja að hann sé sá besti. Ég vissi það áður en ég hef nú orðið vitni að því á hverri einustu æfingu,“ sagði Havertz.

,,Það er heiður að fá að spila með leikmanni eins og honum, hann er leikmaður sem getur unnið leiki sjálfur og að mínu mati er hann sá besti.“