Manchester Evening News segir frá því að Manchester United ætli hið minnsta að losa sig við tíu leikmenn á næsta ári.

Ætlar félagið að gera allt til þess að styðja við Erik ten Hag og þær breytingar sem hann vill gera.

United byrjaði að hreinsa út í sumar þegar David de Gea, Fred, Dean Henderson og Anthony Elanga fóru í sumar.

Segir staðarblaðið að tíu leikmenn hið minnsta fari frá félaginu í janúar og næsta sumar.

Rætt er um Rapahael Varane, Casemiro, Christian Eriksen, Anthony Martial, Jadon Sancho, Jonny Evans og fleiri.

Miklar breytingar virðast vera í vændum en búist er við að Sir Jim Ratcliffe eignist 25 prósenta hlut í félaginu á næstu dögum.