Kári Árnason, yfirmaður knattspyrnumála hjá Víkingi var gestur í Íþróttavikunni um helgina. Þessi fyrrum landsliðsmaður í knattspyrnumaður fór víða yfir sviðið.
Rætt var um stöðuna sem virðist vera í íslenskum fótbolta að varnarmenn og þá sérstaklega miðverðir. Íslenska landsliðið á lítið af þeim og fáir virðast vera að koma upp.
„Við höfum lagt áherslu í yngri flokkum á að halda bolta, þú þarft minnsta fótboltahæfileika í þessari stöðu. Þú þarft góða fyrstu snertingu, þú þarft að vita hvað þú ert að gera. Þegar þú ferð niður yngri flokkana hvort þetta sé til staðar, að vita hvað skal gera. Hvernig kennir maður þetta? Þú getur sagt þetta við en hvernig kennir þú þetta með æfingum? Ég er ekki í þeim fræðum, þetta snýst um að vita hvað þú ert að gera,“ segir Kári.
Hann segir stöðu miðvarðar snúast um þetta en Kári er einn besti miðvörður í sögu landsliðsins.
„Staðsetningar og lesa leikinn, hvernig andstæðingurinn beitir sér. Það eru nokkrir efnilegir miðverðir að koma upp, í Víking sem dæmi en þeir eru mjög ungir.“
Kári segir A-landsliðið ekki bara glíma við þetta vandamál. „Þetta er veikleiki í U21 árs liðinu líka,“ segir Kári.
„Þetta er annað game, það er fókus á hvað þeir eru léttleikandi og góðir með boltann. Ef þú ert með þjösnara sem eru til í að leggja allt á línuna, sem eru drullusokkar. Það þarf að ýta undir það, það er hæfileiki eins og hvað annað í fótbolta,“ segir Kári.
Umræðan um þetta er hér að neðan.