Martin Odegaard miðjumaður Arsenal hefur misst af síðustu tveimur deildarleikjum liðsins eftir að hafa fengið bolta í andlitið á æfingu.

Odegaard er 24 ára gamall og er fyrirliði Arsenal, hann hefur nú misst af þremur leikjum í öllum keppnum.

Ödegaard var í vandræðum með mjöðmina á sér en var byrjaður að æfa þegar hann fékk þungt högg á andlitið.

Bolti á fullri ferð fór í andliti norska miðjumannsins og fékk hann heilahristing vegna þess.

Þegar slíkt kemur upp þarf leikmaður að hvíla sig í sex daga og til að leyfa mjöðminni að jafna sig ákvað Arsenal að taka enga sénsa.

Ödegaard sleppti einnig verkefnum með norska landsliðinu sem nú er að fara í gang en á að vera klár eftir fríið.