„Það er of snemmt að segja til um það,“ segir Magnús Tumi Guðmundsson, prófessor í jarðeðlisfræði hjá HÍ, við þeirri spurningu hvort líkur á því að atburðunum á Reykjanesskaga ljúki án þess að til goss komi.

„Samkvæmt nýjustu upplýsingum er enn kvika að streyma inn í ganginn en hún er margfalt minni en hún var í upphafi, en á meðan svo er þá verður enná að telja líklegt að að komi gos. Það er erfitt að segja til um hvor það sé minni líkur eða meiri. En það er samdóma álit allra að það séu enn líkur rá gosi og þess vegna verði að fara með öllu að gát.“

Tumi segir það vel þekkt og algengt að kvikugangi ljúki án þess að komi til eldgoss. „Það getur alveg endað þannig og það hefur verið sagt frá upphafi. Þetta var auðvitað hröð atburðarás þarna á föstudagskvöldið og hún var ógnvænleg fyrir alla sem með henni fylgdust. En sem betur fer dró úr því og núna er þetta miklu hægara.“