Íþróttavikan kemur út alla föstudaga á 433.is og í Sjónvarpi Símans. Þar fá þeir Helgi Fannar Sigurðsson og Hrafnkell Freyr Ágústsson til sín góðan gest og þessa vikuna var Gunnar Birgisson, íþróttafréttamaður á RÚV, gestur.

Lionel Messi vann Ballon d’Or í vikunni en ekki allir voru sáttir. Margir vildu sjá Ering Braut Haaland hreppa verðlaunin.

„Mér finnst reiðin í kringum þetta skyggja svolítið á þetta. Maður getur varla loggað sig inn á X (Twitter) og þar eru menn brjálaðir yfir að hann hafi unnið þetta,“ sagði Hrafnkell um málið.

Messi hlaut verðlaunin án efa þar sem hann vann HM með Argentínu undir lok síðasta árs.

„Ballon d’Or á HM ári, HM er langstærst,“ sagði Hrafnkell áður en Gunnar tók til máls.

„Menn hafa verið að lita það neikvæðum litum að þetta séu „legacy“ verðlaun. En miðað við hvað Messi hefur gert fyrir fótboltann yfir höfuð, plús það að hann vinni HM (þá á hann þetta skilið). Svo held ég að það spili eitthvað inn í að þetta er besta heimsmeistaramót sem ég man eftir.“

Umræðan í heild er í spilaranum.