Rebecca Welch skrifar sig í sögubækurnar um helgina þegar hún verður fyrsta konan til að vera titlaður dómari í leik í ensku úrvalsdeildinni.
Welch verður fjórði dómari í leik Fulham og Manchester United á morgun.
Welch hefur verið að skrifa söguna en hún var fyrst kvenna til að dæma leik í deildarkeppni í Englandi þegar hún dæmdi leik Port Val og Harrogate árið 2021.
Welch hefur svo dæmt leiki í enska bikarnum og í næst efstu deild eftir það.
Hún er svo núna mætt inn í ensku úrvalsdeildina og er ekki talið ólíklegt að hún fari að dæma leikina í deild þeirra bestu innan tíðar.
