Taiwo Awoniyi, framherji Nottingham Forest, rifjar tíma sinn hjá Liverpool upp í nýju viðtali. Hann áttaði sig á að hann hefði ekkert í að spila fyrir liðið eftir að hafa æft með stórstjörnum þess.

Hinn 26 ára gamli Awoniyi var hjá Liverpool frá 2015-2021 en spilaði aldrei fyrir félagið þar sem hann fékk ekki atvinnuleyfi. Var hann lánaður víða áður en hann var svo seldur til Union Berlin.

Awoniyi æfði þó með Liverpool og rifjar það upp í viðtalinu.

„Æfingarnar, vá! Ég áttaði mig á að svona æfingar verða til þess að þú vinnir eitthvað,“ segir Awoniyi.

„Þarna voru menn eins og Salah, Mane og Firmino. Ég vissi að ég ætti litla möguleika á að spila. Ég þurfti að komast þangað sem ég myndi spila í hverri viku.