Marco Verratti hefur tjáð sig um eigin brottför frá Paris Saint-Germain en hann leikur í dag með Al-Arabi í Katar.
Verratti er liðsfélagi Arons Einars Gunnarssonar hjá Al-Arabi en sá fyrrnefndi spilaði með Paris Saint-Germain í yfir tíu ár.
Luis Enrique, stjóri PSG, hafði ekki not fyrir Verratti á þessu tímabili og fékk leikmaðurinn leyfi til að færa sig um set.
Það var ekki vegna hæfileika Verratti á fótboltavellinum heldur hans hegðun utan vallar sem hefur oft verið gagnrýnd.
Ítalinn hikar ekki við að kveikja sér í einni sígarettu eða þá að skella sér út á lífið ásamt vinum sínum.
,,Svona er ég bara. Fótboltinn hefur alltaf verið leikur fyrir mér en ég á mér líf utan hans,“ sagði Verratti.
,,Ég naut þess að fara á veitingastaði og fá mér rauðvíngslas þegar enginn leikur var framundan. Það eru leikmenn sem fela það en ég hef alltaf verið hreinskilinn.“
,,Ég vissi alltaf hvenær ég gat hitt vini mína eða farið á næturklúbb þegar ég var yngri. Ég var þarna í 11 ár. Ég er ekki heima hjá mér á hverjum degi.“
