David Beckham, goðsögn Manchester United, hefur gefið í skyn að hann viti hvað sé best fyrir félagið í framtíðinni.

Beckham er þar að tala um nýja eigendur Man Utd en félagið er til sölu og er orðað við bæði Jim Radcliffe sem og Sjeik Jassim bin Hamad Al Thani frá Katar.

Glazer fjölskyldan sér í dag um rekstur félagsins en sú fjölskylda er langt frá því að vera vinsæl á Old Trafford.

Beckham segist vita hvað sé best fyrir framhald félagsins og segist þá þekkja rétta fólkið til að taka við keflinu.

,,Við sjáum hvað gerist. Að mínu mati er Erik en Hag góður þjálfari, félagið er að ganga í gegnum erfiða tíma þessa stundina, það eru mikil læti í kringum allt og alla sem getur ekki verið auðvelt fyrir hann,“ sagði Beckham.

,,Við viljum öll að þessi læti hverfi og viljum að ákvörðun verði tekin fyrir félagið, stuðningsmennina, leikmennina og stjórann.“

,,Í okkar augum, augum stuðningsmanna þá erum við númer eitt. Við viljum komast aftur á toppinn og ég tel mig þekkja rétta fólkið til að gera það.“