Fyrrum knattspyrnumaðurinn Gerard Pique fékk óblíðar móttökur er hann lenti í Mexíkó. Myndband af því er nú í mikilli dreifingu.
Þessi goðsögn Barcelona var í viðskiptaferð í Mexíkó og vildu fjölmiðlar þar í landi ólmir fá að ræða við hann eftir lendingu.
Felstir vildu þó spyrja Pique spurninga út í Shakiru, fyrrum eiginkonu hans og stórstjörnu. Kappinn hafði lítinn áhuga á að ræða það. Þá fékk hann að heyra það frá fjölmiðlakonunni Claudia Maldonado.
„Það hata þig allir fyrir það sem þú gerðir Shakiru. Og nú ætlarðu að haga þér svona við fjölmiðla?“ öskraði Maldonado á Pique.
Honum var sjáanlega nokkuð brugðið við þessa eldræðu þar sem hann settist inn í bifreið.
Eins og mikið hefur verið fjallað um slitu Shakira og Pique tólf ára sambandi sínu sumarið 2022. Var það í kjölfar þess að Pique hélt framhjá Shakiru.
Pique er nú í sambandi með hinni 24 ára gömlu Clara Chia Marti og er hann afar óvinsæll á meðal aðdáenda Shakiru.
Shakira og Pique eiga tvo syni saman.
Myndbandið umrædda af Maldonado bauna á Pique er hér að neðan.
@elcomerciope El grito a #GeradPiqué de una reportera recordándole a #Shakira en su visita a #México. #DespiertaAmérica #Pique #PiquéeMéxico #viral #TikTokNews #celebrity #viralvideo #viraltiktok #ElComercioPerú ♬ sonido original – Diario El Comercio
