Granit Xhaka hefur útskýrt þá ákvörðun sína að fara frá Arsenal til Bayer Leverkusen í sumar.
Eftir sjö misgóð ár fór Svisslendingurinn frá Arsenal í sumar. Hann var á barmi þess að fara frá félaginu eftir ósætti við stuðningsmenn á tímabilinu 2019-2020 en sneri öllu við og fór sem hetja eftir að hafa komið liðinu aftur í Meistaradeild Evrópu.
„Mér fannst tíma mínum hjá Arsenal lokið eftir sjö ár í London. Ég kom hingað sem reynslumikill leikmaður og manneskja,“ segir Xhaka.
Xhaka segist hafa tekið ákvörðunina sem fótboltamaður og að ekkert annað hafi spilað inn í.
„Það hefur verið sagt að ég hafi komið aftur til Þýskalands að ósk eiginkonu minnar en það er ekki satt. Eins og ég var hún mjög glöð í London.
Ég tók ákvörðunina aðeins út frá fótboltalegum sjónarmiðum. Ég fór til toppfélags í Þýskalandi sem er með áætlun og vill ná árangri.“
Leverkusen er á toppi þýsku úrvalsdeildarinnar eftir frábæra byrjun. Xhaka er afar sáttur hjá félaginu.
„Það er hægt að vinna í friði hjá Bayer Leverkusen og það er engin óreiða. Pressan er öðrivísi hjá Arsenal en það er mikill metnaður hér líka því við vitum hvað býr í þessu liði,“ segir hann.
