Það varð ljóst fyrir helgi að samningur Rúnars, sem rennur út eftir yfirstandandi tímabil, yrði ekki framlengdur. Rúnar er algjör goðsögn hjá KR og hefur verið þjálfari síðan 2017. Hann þjálfaði liðið einnig 2010-2014.
„Má vera að Rúnari þætti nóg komið, í bili. Að hann og formaðurinn væru sammála. Að þeir hefðu þá sent frá sér sameiginlega ákvörðun. Eftir Íslandsmótið. Klára það fyrst. Enginn þjálfari, alla vega á seinni árum, hefur unnið jafn marga titla og sigra og Rúnar hefur gert. Rúnar hefur verið félagi sínu til mikils sóma. Orðvar, greindur, kurteis auk annarra mannkosta,“ segir Sigurjón meðal annars í færslu á Facebook.
Margir þekktir einstaklingar taka undir með Sigurjóni. Þar á meðal eru Valtýr Björn Valtýsson og Sigmundur Ernir Rúnarsson fjölmiðlamenn.
Færsla Sigurjóns
Svona gera menn ekki.
Formaður knattspyrnudeildar KR segist hafa hringt í Rúnar Kristinsson og sagt honum að KR vildi ekki hafa Rúnar lengur sem þjálfara. Svona gera menn ekki. Bara alls ekki.
Hafi formaðurinn ekki kjark til að setjast niður með Rúnari og tala við hann. Ekki hringja. Það er enginn mannsbragur af því.
Má vera að Rúnari þætti nóg komið, í bili. Að hann og formaðurinn væru sammála. Að þeir hefðu þá sent frá sér sameiginlega ákvörðun. Eftir Íslandsmótið. Klára það fyrst.
Enginn þjálfari, alla vega á seinni árum, hefur unnið jafn marga titla og sigra og Rúnar hefur gert. Rúnar hefur verið félagi sínu til mikils sóma. Orðvar, greindur, kurteis auk annarra mannkosta.
Vonandi endar þetta vel. KR vegna. Formaður knattspyrnudeildar hefur með framgöngu sinni sett á sig mikla pressu. Það verður hans að gera betur. Ráða betri þjálfara en Rúnar er. Okkur þyrstir í að heyra hlið Rúnars á þessu erfiða máli.
