Íþróttavikan heldur áfram að rúlla á 433.is og í Sjónvarpi Símans á svæði Hringbrautar. Helgi Fannar Sigurðsson og Hrafnkell Freyr Ágústsson hafa umsjón með þættinum og að þessu sinni var gestur Gunnhildur Yrsa Jónsdóttir, leikmaður Stjörnunnar.

Það var mikið fjallað um Victor Osimhen leikmann Napoli í vikunni en félag hans fór illa með hann með stórfurðulegum myndböndum á samfélagsmiðlum. Var grín gert að honum fyrir að klikka á víti og honum líkt við kókoshnetu.

„Þetta er bara ótrúlegt. Að þetta skuli gerast er bara magnað. Annað er náttúrulega rasismi, sem er ekkert nýtt á Ítalíu. Að Ítalía sé enn á þessum stað er hálf óhugnanlegt,“ sagði Hrafnkell í þættinum.

„Þetta er út í hött og ég skil vel ef hann kemur sér í burtu í janúar.“

Umræðan í heild er í spilaranum.