Sádiarabísk félög eru talin líklegust til að hreppa Victor Osimhen, fari hann frá Napoli í janúar. Daily Mail greinir frá.

Mikið fjaðrafok er í kringum Osimhen eftir að Napoli birti afar óviðeigandi myndband á TikTok reikningi félagins þar sem grín var gert að Osimhen. Myndbandið birtist á opinberum reikningi félagsins en það sýndi vítaklúður Osimhen um helgina þar sem búið var að bæta inn í furðulegri lýsingu. Augljóslega var verið að gera grín að leikmanninum.

Meira
Eyðir öllu sem tengist félaginu eftir að vinnuveitendurnir birtu stórfurðulegt myndband þar sem stólpagrín var gert að honum

Þá var einnig birt annað myndband á opinberum TikTok aðgangi félagsins þar sem Osimhen var líkt við kókoshnetu.

Osimhen og hans fulltrúar telja þetta auðvitað óásættanlegt. Hann gæti því krafist þess að fara í janúar.

Þá er líklegast að peningarnir í Sádí verði fyrir valinu en Chelsea hefur einnig áhuga og gæti lokkað framherjann í ensku úrvalsdeildina.