Íþróttavikan - Pogba

Íþróttavikan heldur áfram að rúlla á 433.is og í Sjónvarpi Símans undir hlekk Hringbrautar. Helgi Fannar Sigurðsson og Hrafnkell Freyr Ágústsson hafa umsjón með þættinum og gestur þeirra að þessu sinni var Ríkharð Óskar Guðnason, Rikki G.

Paul Pogba féll á dögunum á lyfjaprófi fyrir að mælast með of hátt testósterón. Hann er leikmaður Juventus en gæti fengið 2-4 ára bann.

„Ef hann er frá í meira en tvö ár er ferill hans bara búinn. Nema hann komi til baka og fari til Sádi-Arabíu eða eitthvað,“ sagði Hrafnkell um málið í þættinum.

Ríkharð er stuðnigsmaður Manchester United og viðurkennir að hnignun Pogba undanfarin ár hafi verið vonbrigði, en hann var keyptur dýrum dómum til félagsins 2016.

„Maður var það mikill gómur að maður hélt hann væri að fara að mæta með titilinn aftur á Old Trafford eftir nokkur ár af eyðimerkurgöngu,“ sagði hann léttur.

„Maður sér ákveðna líkamstjáningu á mönnum. Martial er líka svona. Maður sér það að hann nennir þessu bara engan veginn.“

Umræðan í heild er í spilaranum.