Andri Fannar Baldursson var hetja u21 árs liðsins í mjög dramatískum leik gegn Tékklandi í kvöld. UM var að ræða fyrsta leikinn í undankeppni Evrópumótsins.
Tékkar mættu í heimsókn í Víkina í kvöld en Ísland stillti upp sterku byrjunarliði.
Andri Lucas Guðjohnsen kom Íslandi undir lok fyrri hálfleiks og allt stefndi í það væri eina mark leiksins. Það var á 87 mínútu sem gestirnir jöfnuðu og allt benti til þess að leikurinn myndi enda þannig.
Það var hins vegar á 95 mínútu sem Andri Fannar Baldursson hamraði knettinum í netið og tryggði Íslandi stigin þrjú.
Íslenska liðið á aftur leik í næsta mánuði en liðið leikur undir stjórn Davíðs Snorra Jónassonar.
Byrjunarlið Íslands:
Lúkas Petersson
Logi Hrafn Róbertsson
Ólafur Guðmundsson
Andri Fannar Baldursson
Kristall Máni Ingason
Ísak Andri Sigurgeirsson
Hlynur Freyr Karlsson
Óskar Borgþórsson
Jakob Franz Pálsson
Eggert Aron Guðmundsson
Andri Lucas Guðjohnsen
