Þorsteinn Halldórsson, þjálfari A-landsliðs kvenna, hefur valið hóp sem tekur þátt í tveimur leikjum í Þjóðadeild UEFA í september.

Um er að ræða fyrsta tímabil Þjóðadeildarinnar í kvennaflokki en Ísland er í A-deild.

Ísland mætir Wales á Laugardalsvelli föstudaginn 22. september kl. 18:00 og Þýskalandi á Ruhrstadion þriðjudaginn 26. september kl. 16:15. Báðir leikirnir verða í beinni útsendingu á RÚV.

Það sem vekur athygli er að markvörðurinn Sandra Sigurðardóttir snýr aftur í hópinn en hún tilkynnti í vetur að hún væri hætt í knattspyrnu. Hún tók hanskana þó fram í sumar og spilaði einn leik með Val á dögunum.

Fanney Inga Birkisdóttir, markvörður Vals og Sædís Rún Heiðarsdóttir hjá Stjörnunni eru nýliðar í hópnum.

Hópurinn
Sandra Sigurðardóttir – Valur
Telma Ívarsdóttir – Breiðablik
Fanney Inga Birkisdóttir – Valur
Guðný Árnadóttir – AC Milan – 20 leikir
Ingibjörg Sigurðardóttir – Valerenga – 53 leikir
Glódís Perla Viggósdóttir – Bayern Munich – 114 leikir, 9 mörk
Arna Eiríksdóttir – FH – 2 leikir
Guðrún Arnardóttir – FC Rosengard – 27 leikir, 1 mark
Arna Sif Ásgrímsdóttir – Valur – 16 leikir, 1 mark
Sædís Rún Heiðarsdóttir – Stjarnan
Hafrún Rakel Halldórsdóttir – Breiðablik – 6 leikir, 1 mark
Berglind Rós Ágústsdóttir – Valur – 6 leikir, 1 mark
Sandra María Jessen – Þór/KA – 33 leikir, 6 mörk
Hildur Antonsdóttir – Fortuna Sittard – 5 leikir
Alexandra Jóhannsdóttir – ACF Fiorentina – 35 leikir, 4 mörk
Karólína Lea Vilhjálmsdóttir – Bayer Leverkusen – 29 leikir, 8 mörk
Selma Sól Magnúsdóttir – Rosenborg – 28 leikir, 4 mörk
Amanda Jacobsen Andradóttir – Valur – 15 leikir, 2 mörk
Agla María Albertsdóttir – Breiðablik – 55 leikir, 4 mörk
Sveindís Jane Jónsdóttir – VfL Wolfsburg – 32 leikir, 8 mörk
Svava Rós Guðmundsdóttir – NJ/NY Gotham FC – 45 leikir, 2 mörk
Hlín Eiríksdóttir – Kristianstads DFF – 26 leikir, 4 mörk
Diljá Ýr Zomers – OH Leuven – 6 leikir