Það varð uppi fótur og fit á Emirates-leikvanginum í London í gær yfir leik Arsenal og Manchester United en stuðningsmaður er sagður hafa gert sig líklegan til að ráðst að United goðsögninni og sparkspekingnum Roy Keane.

Keane var, ásamt samstarfsmanni sínum á Sky Sports Micah Richards, á leið niður á völl nálægt leikslokum þegar stuðningsmaður á að hafa gert sig líklegan til að skalla hann.

Richards greip hins vegar til sinna ráða, greip í manninn og lét hann hressilega heyra það.

Talsmaður Sky Sports segir Richards hafa verið að koma Keane til varnar og að lögregla skoði nú málið.

Leiknum sjálfum lauk 3-1 fyrir Arsenal eftir mikla dramatík.

Myndband af Richards ræða við manninn er hér að neðan.

Micah Richards was not having it omds 😭😭😭😭 pic.twitter.com/bjXnmzsljq

— Sjayy 🎱 (@sjayy24s) September 3, 2023