Það virtist allt í góðu á milli Tottenham og Harry Kane þegar félagið samþykkt tilboð frá FC Bayern í fyrirliða sinn, Kane skrifaði undir hjá Bayern í ágúst.

Telegraph segir hins vegar frá því að félagið hafi farið í hart við Kane þegar allt var að ganga í gegn.

Þannig var Kane bannað að mæta á æfingasvæði félagsins til að kveðja liðsfélaga sína og starfsmenn félagsins til margra ára.

Félagið sendi honum tölvupóst þar sem sagt var að hann væri ekki velkomin á svæðið, félaginu þótti það ekki viðeigandi þar sem hann væri á förum.

Dót sem Kane átti á æfingasvæðinu var sent heim til hans, félagið vildi ekki sjá hann á svæðinu.

Fjölskyldan átti svo sína svítu á heimavelli Tottenham en þangað var fólki í kringum Kane ekki hleypt inn til að sækja hluti sem voru í eigu hennar.

Kane vildi ólmur fara til Bayern þar sem hann telur sig eiga miklu meiri möguleika á því að vinna stóra titla.