Það er allt að gerast í lífi fyrrum knattspyrnumannsins Kevin Prince Boateng þessa dagana.

Boateng tilkynnti það á dögunum að hann væri hættur að spila eftir langan feril en hann er 36 ára gamall.

Eftir aðeins 14 mánaða hjónaband hefur Boateng skilið við eiginkonu sína, Valentina Fradegrada sem er 31 árs gömul.

Mikil vandræði hafa komið upp í hjónabandinu undanfarna mánuði og ákvað parið að skilja eftir aðeins rúmlega ári eftir giftingu.

Um er að ræða þriðju eiginkonu Boateng sem hefur komið víða við og leikið í Þýskalandi, á Englandi, Ítalíu og á Spáni.

Valentina var ekki lengi að finna sér nýjan mann en samkvæmt Bild í Þýskalandi sást hún með ónefndum manni í Frakklandi á dögunum.

Valentina er sjálf gríðarlega vinsæl og er með yfir þrjár milljónir fylgjenda á Instagram síðu sinni.

,,Hann vinnur í sjálfum sér. Kevin er ósáttur með hvernig hjónabandið gekk fyrir sig og þetta var best fyrir báða aðila. Meira get ég ekki sagt,“ er haft eftir vini Boateng.

Myndir af þeim saman má sjá hér.