Sjónvarpskonan, Rachel Riley ætlar að hætta að styðja Manchester United eins og hún hefur gert allt sitt líf ef Mason Greenwood snýr aftur til æfinga og keppni hjá félaginu.

Greenwood hefur hvorki æft né spilað með félaginu í átján mánuði eftir að unnusta hans sakaði hann um nauðgun og gróft ofbeldi í sambandi þeirra.

Málið var fellt niður hjá lögreglu og er Manchester United nú að íhuga að leyfa Greenwood að spila aftur.

„Ég get ekki stutt Manchester United áfram ef Greenwood verður hjá félaginu,“ segir Riley.

„Sem dæmi, þegar það kemur að ofbeldi gegn konum þá er aðeins 1 prósent af þeim nauðgunum sem koma á borð lögreglu verða til sakfellingar.“

„Við höfum heyrt og séð nóg, að segja að það væri í lagi að hann snúi aftur er vandamálið. Það væri hræðilegt fyrir mitt félag að sópa þessu undir teppið og senda skilaboð til ofbeldismanna að það sé hægt að gera svona án afleiðinga.“

„Ég vona að félagið mitt geri það rétta.“