Tíu ára stúlka fannst í dag látin á heimili við Hammond Road í Surrey-sýslu í suðvesturhluta Englands. Frá þessu er meðal annars greint frá á Facebook-síðu lögreglunnar í Surrey. Dauði hennar er rannsakaður sem mögulegt morð.

Í tilkynningu lögreglunnar fram að lögreglumenn hafi komið að húsi vi Hammond Road laust fyrir kl. 15 í eftirmiðdaginn (að staðartíma) þar sem óttast var um öryggi fólks. Við komu hafi 10 ára stúlka fundist látin á vettvangi. Segir að fjölskylda stúlkunnar hafi verið látin vita um lát hennar og fólkið njóti núna stuðnings sérþjálfaðra lögreglumanna.

Lögregla hefur hafið rannsókn á andláti stúlkunnar. Yfirlögregþjónn rannsóknardeildarinnar, Debbie White, segir:

„Þetta er hörmulegur atburður en rannsóknarlögreglumenn okkar eru að vinna hörðum höndum að því að draga upp mynd af því hvað gerðist. Við höfum greint fjölda einstaklinga sem við viljum tala við sem hluta af eftirgrennslan okkar, en á þessu stigi er ekki útlit fyrir að við berum kennsl á fleiri aðila í tengslum við rannsóknina. Við teljum engu hættu stafa að almenningi í tengslum við málið.“

Fjölmargir lögreglumenn eru að vinna að rannsókn málsins á vettvangi. Segir í tilkynningunni að búast megi við því að lögreglan gefi frekari upplýsingar um málið „um leið og við erum í aðstöðu til þess,“ eins og segir þar.