Knattspyrnumenn eiga það til að gera furðulega hluti í frítíma sínum en fáir hafa tekið upp á því að gera það sem Glen Johnson og Ben May gerðu árið 2007. The Upshot rifjar upp atvikið.

Johnson gerði garðinn frægan með Liverpool, Portsmouth og Chelsea til að mynda. May spilaði í neðri deildum.

Þarna þénaði Johnson um 5 milljónir króna á viku en ákváðu þeir May sér til gamans að stela klósettsetu úr verslun. Reyndu þeir að koma henni út úr versluninni án þess að borga.

Þeir voru gripnir við þetta og að lokum handteknir og sektaðir af lögreglu.

Starfsmenn voru steinhissa.

„Við þekktum öll Johnson. Við trúðum því varla að maður eins og hann, með alla sína peninga, gæti verið svo heimskur að stela klósettsetu. En það er nákvæmlega það sem hann og May gerðu,“ sagði einn starfsmaður.