Guglielmo Vicario er markmaður sem Tottenham samdi við í síðasta mánuði og kemur til félagsins frá Empoli.

Um er að ræða 26 ára gamlan markmann sem var aðalmarkvörður Empoli undanfarin tvö tímabil.

Vicario og hans fjölskylda eru góðhjartað fólk og tóku inn flóttafólk frá Úkraínu í maí á síðasta ári.

Hanna ásamt syni sínum, Milan, fluttu inn í fjölskylduhús Vicario fjölskyldunnar eftir að stríð braust út í Úkraínu eftir innrás Rússlands.

Mæðgin búa enn í húsinu á Ítalíu en Vicario hefur nú flutt sig til Englands og vonast til að fá tækifæri í London.

,,Þetta er litli bróðir minn,“ sagði Vicario um strákinn Milan sem er aðeins 11 ára gamall.

,,Þegar ég kem heim til Udine og sé fjölskylduna mína þá eyði ég tíma með honum. Hann er góður strákur. Hann fer í skólann og lærir ítölsku.“

,,Ég vona að honum líði vel því staðan í Úkraínu er ekki góð. Við reynum að fá þetta fólk til að brosa og ég vona að þau séu ekki að hugsa um ástandið í landinu.“

,,Við þurftum að notast við Google Translate því Hanna og Milan tala enga ensku. Móðir mín útskýrði síðar fyrir mér að strákurinn væri feiminn því hann hafði aldrei áður hitt fótboltamann.“

,,Ég sýndi honum nokkur myndbönd af mínum leikjum og lét hann fá treyju. Hann var himinlifandi og klæddist henni um leið. Ég lofaði honum því að ég myndi finna akademíu fyrir hann í Udine og leyfa honum að spila líka.“