Chloe, kona í Bretlandi opnar sig í viðtali við Daily Mail og segir frá því hvernig leikmaður í ensku úrvalsdeildinni nauðgaði henni.

Chloe vill ekki láta birta mynd af sér með viðtalinu af ótta við að fólk fari að saka hana um að vera að eltast við peninga. Chloe segist aldrei hafa tjáð sig um málið og þorði ekki að fara til lögreglu á sínum tíma.

„Í hans huga er ég eflaust bara stelpa sem hann svaf hjá, þannig hef ég aldrei séð þetta. Hann er nauðgari í mínum huga, ég hugsa um þetta í hverri viku,“ segir Chloe við Daily Mail.

Kærasti Chloe í dag kom með henni í viðtalið, hann sagðist aldrei hafa heyrt hana ræða þetta svona nákvæmlega.

„Hann man ekki nafnið mitt eða hver ég er. Ég myndi elska það að vita hvað hann segi um þetta kvöld.“

Atvikið sem Chloe segir frá átti sér stað fyrir átta árum, hún segir að henni hafi verið nauðgað í gleðskap í heimahúsi. Meintur nauðgari spilar í dag í ensku úrvalsdeildinni.

„Ég myndi bara segja frá þessu núna, þetta tryggir það að fólk sakar mig ekki um að vera á eftir frægð eða peningum. Ég spyr mig alltaf af því hvort lögreglan, kærasti minn eða systur trúi því að þetta hafi verið svona alvarlegt.“

Konan og knattspyrnumaðurinn enduðu saman inn í herbergi ásamt vinkonu hennar. „Hurðin var opin og vinkona mín fór fram, ég bað hana að loka ekki hurðinni. Það átti ekki neitt að gerast, ég vildi ekkert kynferðislegt,“ segir Chloe.

„Ég man ekki nákvæmlega hvað gerist næst, það er bara í móðu. Það næsta sem ég man er að vinkona mín er að berja á hurðina og spyr hvað sé í gangi. Knattspyrnumaðurinn stekkur af mér með kodda yfir sér og hleypir henni inn,“ segir Chloe.

„Ég lá hálf lömuð í rúminu, hann var búin að ýta fötunum upp og niður. Af hverju væri ég klædd þannig ef ég vildi stunda kynlíf?,“ segir Chloe.

Knattspyrnumaðurinn tók allt upp á síma sinn og sendi á vini sína sem voru í gleðskapnum og var myndbandið í dreifingu. „Hann tók þetta upp og vinkona mín fékk að vita af myndbandinu og kom inn og spurði hvað væri í gangi,“ segir Chloe.

Í mörg ár átti hún í vandræðum með að segja kærasta sínum frá atvikinu, hann bauð henni á leik í ensku deildinni þar sem liðið sem hann hélt með var að spila við liðið þar sem meintur nauðgari var að spila. Hún treysti sér ekki á leikin og kom sér út úr þeim aðstæðum.