Miðjumaðurinn Kalvin Phillips hefur tjáð sig um erfiða æsku og segir hana hafa hjálpað sér að verða að þeim manni sem hann er í dag.

Phillips var keyptur til Manchester City í fyrra frá Leeds en hann hafði verið einn allra mikilvægasti leikmaður Leeds.

Ferill Phillips hjá Man City hefur ekki gengið eins og í sögu en hann er enn ákveðinn í að sanna sig í Manchester.

Phillips segir að faðir sinn hafi varla verið til staðar í æsku en hann var inn og út úr fangelsi sem gerði það erfitt fyrir hann og hans móður á þeim tíma.

,,Ég náði líklega þessum árangri því ég ólst upp án þess að eiga faðir. Ég vildi alltaf gera mömmu mína stolta,“ sagði Phillips.

,,Pabbi minn var inn og út úr fangelsi og það hafði mikil áhrif á okkar samband.“

,,Þegar hann hvarf þá vissum við að hann myndi ekki láta sjá sig í langan tíma sem var það versta við þetta allt saman.“