Declan Rice, dýrasti leikmaður í sögu enska fótboltans er mættur til Bandaríkjanna þar sem Arsenal er í æfingaferð.

Liðið byrjar ferð sína Í Wasinghton og spilar nokkra æfingaleiki í ferðinni.

Það var í gær fyrir æfingu liðsins sem Rice sem kostaði Arsenal 18 milljarða settist á hjólið á æfingu.

Þar var líka íslenski landsliðsmarkvörðurinn, Rúnar Alex Rúnarsson sem er mættur til baka eftir vel heppnaða lánsdvöl í Tyrklandi.

Óvíst er hvað Rúnar gerir á þessu tímabili en svo gæti farið að hann verði áfram í herbúðum Arsenal en enska félagið keypti Rúnar fyrir þremur árum frá Frakklandi.

Hér að neðan má sjá Rice og Rúnar á hjólinu,