Mauricio Pochettino, stjóri Chelsea, hefur sagt frá því hvernig hann var ráðinn til félagsins fyrr í sumar.

Pochettino var ráðinn til starfa eftir síðasta tímabil og tekur við af Frank Lampard sem tók við tímabundið.

Gengi Chelsea á síðustu leiktíð var fyrir neðan allar hellur og er búist við miklu betri árangri á næstu leiktíð.

Pochettino, sem vann áður hjá Tottenham, var óviss þegar hann fundaði fyrst með félaginu og segir frá skemmtilegri sögu.

,,Fyrsta samtalið sem ég átti við stjórnina, get ég verið hreinskilinn? Smá. Fyrsti fundurinn var í gegnum Zoom og ég þurfti að vita hvort ég þyrfti að sannfæra þá eða þeir að sannfæra mig. Ef ég þarf að sannfæra ykkur þá þarf ég að fara í sturtu og í fallega skyrtu,“ sagði Pochettino.

,,Samtalið var ánægjulegt alveg frá byrjun. Þeir sýndu mér sína hugmynd, það góða og svo ekki það góða. Ég ræddi við þá og ræddi svo við eigandann. Þetta er sniðugt fólk. Mér líður vel. Ég er ekki stjóri sem þarf öll völdin.“

,,Ég þarf að sýna þeim að þeir geti treyst á mig sem og leikmennirnir og stuðningsmennirnir.“