Eftir rómantíska ferð með kærustu sinni í Suður-Frakklandi er Jack Grealish mættur aftur á sinn uppáhalds stað í heiminum, Ibiza.
Grealish var mættur á eyjuna fögru í gær og skemmti sér konunglega. Eins og alltaf þegar Grealish skemmti sér þá stal hann sviðsljósinu.
Grealish var mættur upp á svið með plötusnúðnum DJ Fisher og skemmti sér vel, hann var hrókur alls fagnaðar.
Grealish leikmaður Manchester City mun seint gleyma þessu sumri, eins og flestum er kunnugt tók Grealish gott þriggja daga fyllerí eftir að Manchester City vann þrennuna.
Kauði fór svo í landsleiki með Englandi áður en hann fór með vinum sínum til Las Vegas og var þar í sex daga.
Grealish hafði svo undanfarna daga verið í Frakklandi með kærustu sinnu, Sasha Attwood en er nú mættur til Ibiza til að nýta síðustu dagana sína í sumarfríi.
