Manchester United mun á næstunni taka ákvörðun um það hvort Mason Greenwood fái að snúa aftur til félagsins. Mögulegur. nýr eigandi hefur ekkert með þá ákvörðun að gera.

Greenwood sást æfa einn með þjálfara sem ekki er á vegum Manchester United á dögunum.

Kappinn bíður enn eftir því að vita um örlög sín eftir að mál gegn honum var látið niður falla fyrr á árinu.

Um eitt og hálft ár er liðið frá því að hinn 21 árs gamli Greenwod var handtekinn og kærður fyrir nauðgun og ofbeldi í nánu sambandi.

Ekki var ákært í málinu eftir að vitni breyttu framburði sínum og ný gögn komu fram í málinu. United ákvað þá að hefja rannsókn á málinu.

Þeirri rannsókn er ekki lokið. Æðstu menn hjá félaginu eru enn að íhuga hvað skuli gera með Greenwood, sem var einn efnilegasti leikmaður heims áður en mál hans kom upp.