Hörður Björgvin Magnússon bindur vonir við að íslenska karlalandsliðið nái góðum úrslitum gegn Slóvakíu á laugardag.

Ísland tekur á móti Slóvökum í afar mikilvægum leik á Laugardalsvelli. Mun hann hafa mikið að segja um framhaldið í undankeppni EM 2024.

Þetta verður fyrsti leikurinn sem Åge Hareide stýrir en Björgvin er sáttur með fyrstu dagana undir stjórn Norðmannsins.

„Hann hefur upp á margt að bjóða og hefur komið með margt nýtt inn í hópinn. Það er æðislegt að vera kominn til baka og með nýjan þjálfara,“ segir Hörður við 433.is.

Leikmenn gera sér grein fyrir mikilvægi leiksins gegn Slóvakíu og Hörður segir þá jafnframt finna fyrir auknum stuðningi þjóðarinnar.

„Við þurfum að klára þá og ef við gerum það er riðillinn galopinn.

Það er langt síðan það hefur verið troðfullur völlur og stemning en loksins er þetta að koma og vonandi hittum við á góðan dag. Öll pressan sem hefur verið á KSÍ og fótboltanum, mér finnst hún vera farin. Nú er komin meiri stemning yfir þessu aftur og það er um að gera að nýta tækifærið og gera vel.“

Viðtalið í heild er í spilaranum.