Trent Alexander-Arnold var staddur á Formúlu 1 um helgina og var tekinn í viðtal.
Þar var þessi leikmaður Liverpool spurður út í vonir Manchester City um að vinna þrennuna frægu.
City hefur verið í baráttu við Liverpool um Englandsmeistaratitilinn undanfarin ár en í þetta sinn var Arsenal helsti keppninauturinn.
Lærisveinar Pep Guardiola unnu hins vegar deildina nokkuð örugglega og um helgina varð liðið bikarmeistari eftir sigur á Manchester United í úrslitaleik.
Næstu helgi mætir City svo Inter í úrslitaleik Meistaradeildar Evrópu og getur fullkomnað þrennuna.
Alexander-Arnold var spurður út í þetta.
„Hvaða lið?“ spurði hann áður en hann svaraði: „Ég held að Manchester City sé alltaf líklegast til að vinna allt.“
Stuðningsmenn eru sammála um að bakverðinum unga væri alveg sama um hvort City myndi vinna þrennuna. Dæmi hver fyrir sig. Hér að neðan má sjá myndbrot af þessu.
He does not care one bit 🤣 pic.twitter.com/vxNS8EMHBI
— The Anfield Talk (@TheAnfieldTalk) June 4, 2023
