Það fór fram gríðarlega skemmtilegur leikur í Bestu deild karla í kvöld er FH og HK áttust við í níundu umferð.
Heil sjö mörk voru skoruð í þessum leik en HK tók forystuna þrisvar sinnum og svaraði FH í hvert sinn.
Úlfur Ágúst Björnsson átti frábæran leik fyrir FH og sá um að jafna metin í 2-2 og svo skora sigurmarkið í 4-3 sigri.
FH lyfti sér upp í fjórða sætið með sigrinum og er þremur stigum á undan HK sem er sæti neðar.
Þá áttust við KR og Stjarnan en spilað var í Vesturbænum og lauk þeim leik með sigri heimamanna.
Ægir Jarl Jónasson reyndist hetja KR-inga en hann skoraði eina markið í seinni hálfleik til að tryggja þriðja sigur ‘sumarsins.’
FH 4 – 3 HK
0-1 Jóhann Ægir Arnarsson(‘6, sjálfsmark)
1-1 Gyrðir Hrafn Guðbrandsson(’12)
1-2 Arnþór Ari Atlason(’17)
2-2 Úlfur Ágúst Björnsson(’37)
2-3 Eyþór Aron Wöhler(’47)
3-3 Gyrðir Hrafn Guðbrandsson(’58)
4-3 Úlfur Ágúst Björnsson(’71)
KR 1 – 0 Stjarnan
1-0 Ægir Jarl Jónasson(’79)
