Arsenal ætlar sér að styrkja lið sitt duglega í sumar fyrir átökin á næstu leiktíð.
Skytturnar leiddu lengi vel kapphlaupið um Englandsmeistaratitilinn á þessari leiktíð en eru svo gott sem búnar að missa af honum til Manchester City nú á lokasprettinum.
Það þarf því styrkingar í sumar til að skáka City og öðrum liðum.
Declan Rice hjá West Ham hefur verið sterklega orðaður við félagið. Hann er þó ekki ódýr og kostar um 120 milljónir punda.
Granit Xhaka er á förum og því gæti annar miðjumaður komið. Er þar Ilkay Gundogan hjá City nefndur til sögunnar. Samningur hans þar er að renna út.
Joao Cancelo er einnig orðaður við Arsenal. Hann er á láni hjá Bayern Munchen frá City og er úti í kuldanum hjá síðarnefnda félaginu.
The Sun tók saman hugsanlegt byrjunarlið Arsenal í sumar ef allt gengur upp.
