Manchester United ætlar í sumar að reyna aftur við það að krækja í Adrien Rabiot. Franskir fjölmiðlar segja frá þessu.
United reyndi að fá Rabiot síðasta sumar en tókst ekki að semja við hann um kaup og kjör. Samningur hans við Juventus er á enda í sumar.
Untied endaði á krækja í Casemiro þegar Rabiot afþakkaði boðið en nú gæti hann komið til félagsins.
Rabiot er 28 ára gamall franskur landsliðsmaður en United samdi um kaupverð við Juventus í fyrra en getur fengið hann frítt núna.
Samkvæmt fréttum í Frakklandi vill Newcastle einnig krækja í Rabiot sem gæti orðið eftirsóttur biti í sumar.
