Það er ekki ólíklegt að Declan Rice sé á förum frá West Ham í sumar. Hvert hann fer á eftir að koma í ljós.
Rice er fyrirliði West Ham og lykilmaður. Arsenal hefur verið talið hans líklegasti áfangastaður í sumar.
Stan Collymore, fyrrum leikmaður Liverpool, telur þó að Manchester United ætti að reyna við hann.
„Hann er auðvitað mjög eftirsóttur og verður líklega miðpunktur umræðunnar í sumar. Ég tel samt að það væri best fyrir Declan Rice að fara til Manchester United,“ segir Collymore.
„Rice er akkúrat miðjumaðurinn sem þeir hafa leitað eftir í mörg ár. Hann kraftmikill og getur hlaupið teigana á milli í fleiri daga.“
West Ham vill 120 milljónir punda fyrir Rice.
„Manchester United mun líklega ekki eyða 120 milljónum punda í einn miðjumann, sérstaklega þar sem Erik ten Hag vill nýjan framherja, en ég sé fyrir mér að þeir gætu boðið leikmann með sem hluta af kaupverðinu.
Ég tel til dæmis að bjóða Scott McTominay í hina áttina yrði freistandi boð fyrir West Ham.“
