Leni Klum, sem varð nítján ára fyrir nokkrum dögum, fetar í fótspor móður sinnar og hefur getið sér gott orð sem fyrirsæta um árabil.
View this post on Instagram
Í fyrra sátu mæðgurnar fyrir í fyrstu undirfataherferðinni sinni saman fyrir ítalska merkið Intimissimi.
Herferðin var harðlega gagnrýnd og þótti mörgum myndirnar „furðulegar og óviðeigandi.“
Leni svaraði fyrir sig á sínum tíma og sagðist vera ánægð með herferðina.
„Ég […] átti frábæran dag með mömmu minni,“ sagði hún og bætti við að þær hafi skemmt sér konunglega.
Meðal þeirra sem gagnrýndu þær var útvarpsmaðurinn Howard Stern.
„Þetta er svo fokking út úr kortinu. Þetta er svo óviðeigandi, en þú getur ekki hætt að horfa á þetta,“ sagði hann.
„Þetta er eins og persónuleg fantasía karlmanna. Þær eru að kyssast og halda utan um hvor aðra. Og þær eru að fíflast.“
Mæðgurnar virtust ekki hafa látið gagnrýnina á sig fá en þær sátu fyrir í nýrri herferð sem fór í loftið í síðustu viku.
Viðbrögðin leyndu sér ekki og lokaði Heidi, 49 ára, fljótlega fyrir athugasemdir.
View this post on Instagram
Blóðfaðir Leni er ítalski athafnamaðurinn Flavio Briatore en söngvarinn Seal ættleiddi hana árið 2009, en hann var giftur fyrirsætunni frá 2005 til 2014.
