Það var gríðarlegt fjaðrafok í kringum Paris Saint-Germain í gær. Félagið og Lionel Messi fengu á baukinn frá stuðningsmönnum en einnig brasilíska stórstjarnan Neymar.
Messi var í vikunni settur í tveggja vikna bann af PSG. Hann hafði skrópað á æfingu og slakað á í Sádi-Arabíu. Christophe Galtier, þjálfari liðsins, hefur viljað taka á agavandamálum félagsins og að setja Messi í bann er hluti af því.
Galtier hafði boðað frí frá æfingu á mánudag en tap gegn Lorient varð til þess að hann setti á æfingu, þá var Messi í Sádí Arabíu og komst ekki til baka. Talið er að Argentínumaðurinn gæti þénað yfir þrjá milljarða á ári fyrir að auglýsa Sádi-Arabíu. Inni í samningi hans við landið er ferð þangað að minnsta kosti einu sinni á ári.
Í kjölfar fregna af banninu var greint frá því að Messi færi frá PSG í sumar. Samningur hans er að renna út og vill hvorugur aðili framlengja samstarfið.
Paris Saint-Germain fans outside club’s HQ chanting against Leo Messi 🚨😳 #Messi
🎥 @CanalSupporterspic.twitter.com/a5011uUklU
— Fabrizio Romano (@FabrizioRomano) May 3, 2023
Stuðningsmenn PSG voru mættir fyrir utan höfuðstöðvar félagsins í gær og fékk Messi að heyra það. „Messi er tíkarsonur,“ var á meðal þess sem var sungið.
Argentínumaðurinn var þó ekki sá eini sem fékk á baukinn. Hópur blóðheitra stuðningsmanna fór fyrir utan heimili Neymar. Sungu þeir meðal annars: „Drullaðu þér burt Neymar.“
PSG gerði Brasilíumanninn að dýrasta leikmanni heims þegar hann var keyptur frá Barcelona á 198 milljónir punda 2017. Hann hefur hins vegar ekki alveg staðið undir væntingum í borg ástarinnar.
Franska stórveldið fordæmdi hegðun stuðningsmanna í gær í yfirlýsingu. „Paris Saint-Germain fordæmir harðlega ólíðandi hegðun lítils hóps fólks á miðvikudag. Sama hversu ósammála menn eru er ekki hægt að réttlæta svona lagað. Félagið styður leikmenn sína af heilum hug, sem og þjálfara og alla sem svona hegðun hefur áhrif á.“
🚨 PSG fans went to Neymar's house to demand he leaves the club. 👀
🗣️ “Neymar, get out! Neymar, get out!"
(🎥 @parisientimes)pic.twitter.com/RJjZdTfo3s
— Transfer News Live (@DeadlineDayLive) May 3, 2023
