Stuðningsmenn Chelsea tóku Marc Cucurella af lífi á samfélagsmiðlum eftir tap liðsins gegn Real Madrid í gær.

Liðin mættust í fyrri leik sínum í 8-liða úrslitum Meistaradeildar Evrópu. Real Madrid vann 2-0 sigur.

Chelsea var manni færri frá 59. mínútu þegar Ben Chilwell fékk beint rautt spjald. Þá braut hann af sér sem aftasti maður.

Það er þó Cucurella sem fær aðallega að heyra það frá stuðningsmönnum Chelsea. Það er vegna þess að hann kláraði ekki að elta manninn sinn, Rodrygo, sem varð til þess að Chilwell greip til örþrifaráða.

Cucurella hefur ekki beint heillað í búningi Chelsea frá því hann var keyptur frá Brighton á um 60 milljónir punda.

Einhverjir stuðningsmenn ganga svo langt að kalla hann ein verstu kaup í sögu félagsins.

Sitt sýnist hverjum, atvikið er hér.