Joao Cancelo, leikmaður Þýskalandsmeistara Bayern Munchen, var í viðtali eftir leik með portúgalska landsliðinu í undankeppni EM þegar að honum var tjáð að Julian Nagelsmann, þjálfara Bayern hafði verið sagt upp störfum.
Tíðindin komu Cancelo, sem kom á láni til Bayern frá Manchester City í janúar síðastliðnum, skiljanlega mjög á óvart.
„Nú er ég bara að heyra af þessu fyrst núna. Nagelsmann verður ekki á svæðinu þegar að ég sný aftur til Bayern Munchen, það var hann sem vildi fá mig til félagsins og vil ég þakka honum fyrir það.“
Atburðarásin var hröð í gærkvöldi því aðeins nokkrum mínútum eftir að orðrómar fóru af stað þess efnis að Nagelsmann yrði látinn fara, var Thomas Tuchel sagður hársbreidd frá því að taka við starfinu.
Nagelsmann var í fríi í Austurríki þegar að tíðindin fóru í fjölmiðla og sá hann þau fyrst þar, hann hafði ekkert heyrt frá forráðamönnum Bayern Munchen.
João Cancelo found out Julian Nagelsmann is leaving Bayern during a post-match interview 😳
(via @SPORTTVPortugal)pic.twitter.com/2091oi5ENr
— B/R Football (@brfootball) March 24, 2023
