Helgi Fannar Sigurðsson skrifar frá Munchen
Íslenska karlalandsliðið hefur leik í undankeppni Evrópumótsins 2024 á morgun þegar liðið heimsækir Bosníu og Hersegóvínu.
Liðið hefur æft hér í Munchen undanfarna daga og gerir það sömuleiðis í dag. Eftir æfinguna verður farið út á flugvöll, þar sem vél bíður þeirra og ferjar til Sarajevó.
Þar munu leikmenn dvelja í kringum leikinn við Bosníu. Hann fer þó fram í borginni Zenica, sem er um 70 kílómetrum frá höfuðborginni Sarajevó.
Leikið er á Bilino Polje leikvanginum í Zenica.
Umræða hefur verið um að grasið þar sé ekki í nægilega góðu standi. Það kemur betur í ljós þegar aðstæður verða teknar út þar ytra.
Hér að neðan má sjá völlinn.
